Cantigas e Agarimos // Agrupación folclórica

Inicio » Escola » Obradoiros

Obradoiros

Obradoiro de pandeireta. Recursos para acompañamento de repertorio de gaita

Para todxs esxs pandeireterxs que tamén queredes aprender a tocar acompañando a unha gaita, este é a vosa oportunidade.
Cantigas e Agarimos organiza un obradoiro de RECURSOS PARA ACOMPAÑAMENTO DE REPERTORIO DE GAITA COA PANDEIRETA, impartido por Xaquín Xesteira Losada.
Neste obradoiro aprenderanse algúns patróns adaptados ós principais ritmos da nosa música tradicional, que nos permitirán ter máis recursos e perder o medo a tocar ó lado dunha gaita.
  • Sábado 16 de novembro, de 16:00 a 20.00h.
  • Local de Cantigas e Agarimos. Antigo CEIP Ramón Cabanillas. rúa Castiñeiriño, 21. Santiago de Compostela.
  • Inscríbete en contacto@cantigaseagarimos.es ou no teléfono 618 518 524. As prazas son limitadas!
Coa colaboración da Deputación da Coruña

OBRADOIRO PARA A CONSTRUCIÓN DUNHA PANDEIRA

Queres ter unha pandeira feita por ti? Cantigas e Agarimos organiza un OBRADOIRO PARA A CONSTRUCIÓN DUNHA PANDEIRA, impartido por Xosé Maceda Percusión. Non necesitas ter coñecementos previos nin traer ningún material da casa, iremos aprendendo ó mesmo tempo que construímos as que serán as nosas pandeiras.
  • Domingo 17 de novembro, de 10:00 a 14.00h.
  • Local de Cantigas e Agarimos. Antigo CEIP Ramón Cabanillas. rúa Castiñeiriño, 21. Santiago de Compostela
  • Inscríbete en contacto@cantigaseagarimos.es ou no teléfono 618 518 524. As prazas son limitadas!
Coa colaboración da Deputación da Coruña

OBRADOIRO DE CONSTRUCIÓN DUN PANDEIRO CADRADO

Cantigas e Agarimos oferta un obradoiro de construción de pandeiro cadrado impartido por Xosé Maceda. Non necesitas ter coñecementos previos nin traer ningún material da casa, iremos aprendendo ó mesmo tempo que construímos os nosos pandeiros. Ó remate do obradoiro poderemos quedar co instrumento.

VAI SER COSER E CANTAR!

Cando: sábado 6 de xullo de 2024, de 10.00 a 14.00h.

Onde: local de Cantigas e Agarimos. Antigo CEIP Ramón Cabanillas. rúa Castiñeiriño, 21. Santiago de Compostela

Como: inscríbete en contacto@cantigaseagarimos.es ou no teléfono 618 518 524. As prazas son limitadas!

Coa colaboración da Deputación da Coruña

< 1 2 3 >